Բաղադրիչներ.
ձու – 6 հատ,
շաքարավազ – 1 բաժակ,
ալյուր – 1 բաժակ,
սոդա – 1/4 թեյի գդալ
Կրեմ.
կարագ – 100 գր.,
սերուցքային պանիր (Hohland, Almette) – 180 գր,
շաքարի փոշի – 100 գր.,
վանիլ
Պարաստման եղանակը. Ձվի սպիտակուցներն առանձնացնել, հարել, մինչև ստացվի կայուն զանգված, տարան թեքելիս այն չպետ է հոսի: Դեղնուցները հարել շաքարավազի հետ այնքան, որ զանգվածը բաց գույն ստանա, շաքարավազի հատիկները ձուլվեն և խառնվեն ձվի դեղնուցին: Գդալ առ գդալ խառնել սպիտակուցն ու դեղնուցը: Այնուհետև ավելացնել ալյուրը, ցանկալի է ևս մեկ անգամ ալյուրը մաղով անցկացնել, որպեսզի խմորն ավելի նուրբ ստացվի: Երբ զանգվածը համասեռ տեսքի գա (շատ խառնելու կարիք չկա, պիտի ստացվի թանձր, բայց ոչ պինդ խմոր), տեղափոխել տարայի մեջ, որը նախապես ծածկել ենք յուղաթղթով: Մակերեսը հարթացնել, թխել 170 աստիճան տաքացված ջեռոցում 30 րոպե: Կրեմի համար կարագը պետք է լինի սենյակային ջերմաստիճանի, փափուկ: Այն հինգ րոպե խառնելուց հետո ավելացնել շաքարի փոշին, խառնել: Ավելացնել սերուցքային պանիրը, խառնել ոչ շատ ինտենսիվ: Շատ երկար խառնելու դեպքում կրեմը կկորցնի որակը: Ավելացնել վանիլ, մինչը խմորի սառչելը կրեմը թողնել սառնարանում: Խմորը ջեռոցից հանելուց հետո դնել խոնավ մաքուր սրբիչի, կտորի վրա: Հավասար շերտով քսել կրեմը, ռուլետը փաթաթել: Կարելի է զարդարել շոկոլադով, շաքարի փոշիով, մրգերով: Բարի ախորժակ:
Պատասխանել