ԸՆԿՈՒՅԶՈՎ ԿԱՐԿԱՆԴԱԿ

Ընկույզով կարկանդակ

Բաղադրիչներ.
կարագ – 200 գ,
շաքարավազ – 100 գ,
ձու – 2 հատ,
սոդա – 1 թ. գդ.,
ալյուր – 2 բաժակ,
միջուկ.
ընկույզ – 2 բաժակ,
շաքարավազ – 1 բաժակ,
սերուցք – 1.5 բաժակ,
մեղր – 2 ճ. գդ.,

շաքարի փոշի

Կարագը թողնել փափկի, հարել շաքարավազի հետ: Ձուն կոտրել, թեթևակի հարել և խառնել կարագի զանգվածին: Սոդան խառնել ալյուրին, ավելացնել ձվի զանգվածին: Խմորը դնել սառնարանի մեջ: Ընկույզը մանրացնել կամ աղալ: Շաքարը լցնել չոր թավայի մեջ, դնել շատ թույլ կրակին և խառնել այնքան, որ այն հալվի և գույնը փոխվի: Ավելացնել մեղրը, խառնել: Ավելացնել նաև սերուցքը, խառնել, եռալուն պես խառնել ընկույզը և վերցնել կրակից: Խմորը բաժանել երկու մասի, մի մասը բացել, դնել յուղած տապակի մեջ: Ընկույզի միջուկը տարածել խմորի վրա, ծածկել երկրորդ շերտով: Եզրերն ամրացնել, դնել 180 աստիճան տաք ջեռոցի մեջ 35-40 րոպե: Հանել, թողնել սառչի, վրան շաքարի փոշի ցանել:

_______________
ԿԱՐԴԱՑԵՔ ՆԱԵՎ


Պատասխանել

Ձեր էլ. փոստի հասցեն չի հրապարակվելու: Պարտադիր դաշտերը նշված են *-ով