ԵԼԱԿՈՎ ԳԼԱՆԱԿՆԵՐ

Գլանակներ

Բաղադրիչներ.

մարգարին – 1 տուփ,
ալյուր – 4 բաժակ,
շաքարավազ – 1 ճ. գդ.,
դեղնուց – 4 հատ,
թթվասեր – 200 գ,
աղ – մի պտղունց

միջուկ.
սպիտակուց – 4 հատ,
շաքարավազ – 4 ճ. գդ.,
վանիլին,
ելակ կամ այլ հատապտուղներ

Ալյուրն ու մարգարինը տրորել, խառնել, ավելացնել շաքարավազը, դեղնուցը, թթվասերն ու աղը: Խմորը հունցել և դնել սառնարանի մեջ մեկ-երկու ժամ: Բարակ բացել խմորը և զոլերով կտրատել: Երկար խմորի շերտերը փաթաթել հատուկ կաղապարի վրա, որը նախապես հարկ է յուղել: Խմորը փաթաթել պարուրաձև և ոչ շատ խիտ, որ գլանակը չքանդվի: Մինչև վերջ փափաթել պետք չէ, խմորը պոկելը դժվար կլինի: Տապակը ևս յուղել և շարել գլանակները: Ջեռոցը 200 աստիճան տաքացնել և թխել խմորը մոտ 20 րոպե: Թողնել հովանա: Հանել, կաղապարի նեղ կողմը սեղանին խփելով: Սառեցրած սպիտակուցները հարել շաքարավազի հետ, վանիլ ավելացնել: Երբ անշարժ փրփուր դառնա, լցնել խմորի մեջ: Վրան դնել հատապտուղներ: Կարելի է երկու կողմից կրեմ լցնել, որ դատարկ տեղ չմնա:

_______________
ԿԱՐԴԱՑԵՔ ՆԱԵՎ


Պատասխանել

Ձեր էլ. փոստի հասցեն չի հրապարակվելու: Պարտադիր դաշտերը նշված են *-ով