ՀԱԶԱՐ ՈՒ ՄԻ ԳԻՇԵՐ

Հազար ու մի գիշեր

Բաղադրիչներ.

ձու –  5 հատ,
շաքարավազ – 125 գ,
ալյուր –  100 գ,
կակաո –  2 ճ. գդ.,
դառը շոկոլադ – 100 գ,
աղ
զարդարանք.
հարած սերուցք- 300 գ,
շաքարավազ – 2 ճ. գդ.,
ծիրանի ջեմ – 5 ճ. գդ.,
շաքարի փոշի,
մարցիպանի համար.
մանրացրած նուշ -1 բաժակ,
մեղր- 3 ճ. գդ.,
ալյուր- 1 բաժակ,
ձու –  3 հատ
Ձուն հարել կաթսայի մեջ, ավելացնել շաքարավազը: Կաթսան դնել տաք ջրով լի թասի վրա, հարել մինչև սպիտակի: Ալյուրը, կակաոն, աղը խառնել, լցնել ձվի զանգվածի մեջ: Ավելացնել հալած շոկոլադը: Տապակը յուղել: Ջեռոցը տաքացնել 180 С: Խմորը լցնել տապակի մեջ և թխել 25-30 րոպե: Խմորը հովացնել և դնել սառնարանի մեջ մեկ ժամով: Սերուցքը շաքարի հետ հարել: Կրեմը երկու մասի բաժանել: Մի կեսին ջեմ խառնել: Մարցիպանից աստղեր պատրաստելու համար ձուն հարել, ավելացնել մեղրը, ալյուրը, ապա աղացած նուշը: Լավ խառնել, գրտնակով բարակ բացել, թրջելով, որ ձեռքերին ու գրտնակին չկպչի: Աստղեր կտրել մարցիպանից, զգույշ դնել տապակին և թխել մինչև ոսկեգույն դառնան: Սառնարանից հանելով խմորը, երեք մասի բաժանել: Բոլոր շերտերին քսել ջեմով կրեմ: Դնել իրար վրա և վրան ու կողքերը պատել սերուցքով: Զարդարել մարցիպանե աստղերով: Վրան շաքարի փոշի ցանել:

_______________
ԿԱՐԴԱՑԵՔ ՆԱԵՎ


Պատասխանել

Ձեր էլ. փոստի հասցեն չի հրապարակվելու: Պարտադիր դաշտերը նշված են *-ով