ՄՐԳԱՅԻՆ ԿԱՐԿԱՆԴԱԿ ՍՊԻՏԱԿՈՒՑԻ ՇԵՐՏՈՎ

Մրգային կարկանդակ

Բաղադրիչներ.
ալյուր – 300 գ,
կարագ – 100 գ,
մարգարին – 100 գ,
շաքարավազ – 100 գ,
դեղնուց – 3 հատ,
միջուկ.
հատապտուղներ – 0,5 կգ,
նարինջ – 1 հատ,
կիտրոն – 1 հատ,
շաքարավազ – 300 գ,
սպիտակուցի շերտ.
սպիտակուց – 3 հատ,
շաքարի փոշի – 150 գ,
ընկույզի միջուկ – 100 գ

Կարագն ու մարգարինը ալյուրի հետ տրորել, ավելացնել շաքարավազը, դեղնուցները, խմոր հունցել: Կարելի է 1-2 գդալ ջուր ավելացնել: Մեկ-երկու ժամ խմորը թողնել սառնարանի մեջ: Հետո հանել, բացել, դնել տապակին յուղաթղթի վրա, պատառաքաղով ծակծկել, թխել կես ժամ տաք ջեռոցում: Հատապտուղները, կիտրոնը, նարինջը խոշոր քերիչով անցկացնել: Շաքարավազն ու  2-3 ճաշի գդալ ջուրը եփել, լցնել մրգի վրա, եփել, մինչև ստացվի թափանցիկ զանգված: Ստացված ջեմը քսել տաք խմորի վրա: Սպիտակուցները շաքարավազի հետ հարել, լցնել ջեմի վրա, ցանել մանրացրած ընկույզը: Թխել 180˚С ջեռոցում մինչև ոսկեգույն դառնա: Քառակուսի կտրատել, մատուցել:

_______________
ԿԱՐԴԱՑԵՔ ՆԱԵՎ


Պատասխանել

Ձեր էլ. փոստի հասցեն չի հրապարակվելու: Պարտադիր դաշտերը նշված են *-ով